Մենք հիմնականում օգտվում ենք նոութբուքերից իրենց թեթև և փոխադրելի լինելու պատճառով, բայց նաև կարևոր է այն, թե որքան կդիմանա այդ սարքը մեր ձեռքին: Հետևաբար մեր պարտականությունն է մեր նոութբուքը խնամելը:
Ահա, առաջարկում եմ մի քանի կետեր, որոնք կիրառելով կկարողանաք երկարացնել ձեր մեքենայի կյանքը.
Անջատել
Նոութբուքը պահանջում է հանգստանալ, հետևաբար ամեն անգամ, որ այն երկար ժամանակ պետք է գտնվի անգործ, լավ կլինի, որ այն անջատեք: Նաև պետք է ասենք, որ անջատած մնալով կկանխեք նոութբուքի գերտաքացումը:
Կարգավորել Էներգիայի Կարգավորիչները
Կարգավորելով Ձեր համակարգչի էներգիայի կարգավորիչները` դուք կարող եք այն հեռու պահել գերտաքացումից կիրառելով hibernation կամ standby:
Նախքան Տուփի Մեջ Դնելը
Նախքան նոութբուքը կդնեք տուփի մեջ, պետք է այն բոլորովին անջատել: Եղել են դեպքեր, երբ տուփի մեջ երկար մնալով, չի կատարվել նորմալ օդային շրջանառություն և համակարգիչը տաքանալուց սկսել է տութի մեջ հալվել:
Խուսափել Կտորից
Եթե օգտագործում եք համակարգիչը Ձեր ծնկների վրա դրած, զգույշ եղեք, որ այն շատ չտաքանա, որովհետև այդպես փակվում է տակի հատվածում գտնվող օդային անցքերը և օդը շրջանառություն չի կատարում: Դրա համար լավ կլինի, որ համակարգիչը ավելի շատ օգտագործեք սեղանի վրա դրված, քան թե ծնկների կամ որևէ կտորեղենի:
Ծնկների վրա դրած օգտագործելը վտանգավոր է տղամարդկանց առողջության համար` անպտղության է հանգեցնում:
Անջատել Հավելյալ Սարքերը
Եթե չեք օգտագործում համակարգիչը լավ կլինի, որ համակարգչից անջատեք հավելյալ սարքերը: Դրանք ծախսում են էներգի և կարող են տաքացնել համակարգիչը:
Մաղթում եմ առողջություն Ձեր նոութբուքերին 
Комментариев нет:
Отправить комментарий